Látlaust en fallegt

Við Peter gengum í það heilaga í ráðhúsinu síðasta laugardag, þann 11 Júlí :)

Athöfnin var einföld og það var spilaður brúðarmars af geisladisk því að sú sem átti að spila á fallega orgelið í salnum, mætti ekki. Við fengum ekki að vita af hverju enda skiptir það svosem engu máli, okkur var alveg sama enda gátum við varla horft af hvoru öðru. Tvíburarnir sváfu eins steinar alla athöfnina og vöknuðu ekki einusinni þegar við tókum þau upp og létum taka myndir af okkur fyrir framan kapelluna. Það var of skammur tími til þess að við gætum fengið okkur almennilega giftingahringa svo að við fengum tvo lánaða hjá skartgripasalanum sem er að búa til hringana okkar. Hringar ættu svo að verða tilbúnir í byrjun Ágúst. Það er alveg dásamleg tilfinning að líta niður á hendina og skoða hringinn sem staðfestir hjúskap okkar Peter´s :) Ég fæ ennþá smá kipp í hjartað þegar ég hugsa til þess að ég er núna gift, tveggja barna móðir... þegar fyrir aðeins örfáum mánuðum síðan var ég undirbúin undir það að yfirgefa þessa jarðvist. Merkilegt hvað lífið getur boðið manni upp á furðulega snúninga?

Okkar daglegu athafnir eru orðnar örlítið rútínukenndar, það er alls ekki sæmt heldur bara svolítið notalegt.

Rútínur geta verið jafn notalegar eins og þær geta verið slæmar.

Jacky Lynn

Athugasemdir

[Sigríður Ágústa Þórólfsdóttir, 17.7.2009 kl. 00:18]

[Gudrún Hauksdótttir, 5.8.2009 kl. 07:29]

Tad er aldeilis mikid búid ad gerast hérna á tessum bæ sídan sídast.Gifting og alles.Tilykke Jacky Linn og Peter.

kvedja úr Hyggestuen