Það styttist....

Ég er í alveg hreint ljómandi skapi þessa stundina. Ég er sennilega í einhverri hormónahæð líkamlega. Veit eiginlega ekki afhverju en mér bara líður eitthvað svo vel inni í mér. Ég hef ekki bloggað hér undanfarna daga vegna þess að ég skrapp til Cleveland til þess að heimsækja vinkonu mína sem þar býr. Ég leigði bíl og keyrði til hennar og við erum búnar að haga okkur eins og táningsstúlkur. Við fórum út að borða og héldumst í hendur nær alla máltíðina eins og gamlar lesbíur, við fórum í bíó og hentum poppi eins og fífl í fólkið sem sat neðar en við í salnum. Við hættum því nú samt þegar ungu krakkarnir tóku eftir því að það vorum við sem létum svona og báðu okkur um að hætta svo þeim yrði ekki kennt um þetta

Við vorum meira að segja að spá í að stela bíl, opnum blæjubíl og keyra til New York, ræna Brad Pitt og misnota hann á allan mögulegan hátt og lemja Angelinu Jolie fyrir að vera svona yfirgengilega falleg að manni svíður í augun að horfa á hana á hvíta tjaldinu! Eftir allt þetta var svo stefnan að taka Thelma & Louise á þetta og keyra fram af einhverjum klettum og enda þetta allt þannig. Ég var til en þar sem að vinkona mín er hamingjusamlega gift og á tvö falleg börn, ætlaði hún bara að henda sér út rétt áður en ég keyrði fram af brúninni.... eða eins og hún orðaði það... ég tékka mig bara inn á hótel og verð í gsm sambandi við þig meðan þú keyrir.... mundu bara að spenna beltið !

Við grétum bókstaflega úr hlátri ! Alveg satt.

Þessi elska er sú besta vinkona sem hægt er að hugsa sér. Hún stakk upp á því að við myndum gera auglýsingu þar sem að vegna fráfalls góðra vinkonu, óskaði hún eftir nýrri vinkonu og taldi svo upp kostina sem nýja vinkonan þurfti að vera búin. Þeir voru afar ólíkir mínum dyggðum og kostum og skýringin á því var að ég var víst svo einstök að hún vildi ekki skemma minninguna mín með því að fá annað eintak af mér

Við grétum.... en ekki af hlátri í þetta skipti.

Ég yfirgaf þessa dásamlegu konu og fjölskyldu hennar með tár á hvörmum. Ég er ríkari manneskja fyrir að hafa fengið tækifæri á að vera vinkona hennar öll þessi ár.

JJ, takk fyrir kommentið og falleg orð. Ég vona að þú fáir bót þinna meina kæra vina. Ég þakka mínum sæla fyrir að hafa ekki þurft að ganga gegnum svona helvíti sem þunglyndi hlýtur að vera. Ég þekki því miður of marga sem hafa orðið því að bráð. Ég get ekki gefið þér nein ráð, því miður. Ég er ekki fullkomnari en það.

Ég tel núna niður til Jóla !

Jacky Lynn 

Athugasemdir

[Gudrún Hauksdótttir, 30.10.2008 kl. 10:49]

Vá mikid hefdi verid skemmtilegt ad vera í ykkar hópi í Cleveland  en tad hefdi eidilagt fyrir ykkur sem nádud svona frábærlega saman......

Tad er bara svo mikil gledi í pistlinum tínum og ánæjulegt ad lesa.

Hér er ekki nema eymd og aftur eymd í hópi okkar öryrkja í danmörku.Madur var ríkur í gær en fátækur í dag.

En nóg um tad .Hef ákvedid ad taka tetta út á jákvædninni og ekkert annad.

Fadmlag til tín kæra Javk Lynn

[Gudrún Hauksdótttir, 30.10.2008 kl. 10:50]

Jacky Lynn,Sorry

[Líney, 30.10.2008 kl. 12:03]

Knús  til þín

[Halla Vilbergsdóttir, 30.10.2008 kl. 16:56]

frábært....hentuð poppi í fólkið heheh snilld. Veit hvað ég geri í bío næst ;) En þetta hefur verið magnað.....Ég hlakka líka til jólanna og tel niður heeh ;) 

[Kristín Gunnarsdóttir, 31.10.2008 kl. 16:02]

Gott að þíð skemmtuð ykkur vel, mín kæra

[Helga skjol, 1.11.2008 kl. 09:46]

Knús á þig mín kæra og frábært að þið vinkonur áttuð góðan tíma saman

[Sía (IP-tala skráð) 3.11.2008 kl. 01:00]

Til jóla ??

[Jac Norðquist, 3.11.2008 kl. 12:12]

Áttu við, kæra Jacky, að Jólin verði tíminn sem þú hefur valið til að yfirgefa okkur? Úff, það er allt í einu svo stutt til jólanna.....

Mínar bestu kveðjur til þín

Jac Norðquist

[Heiður Helgadóttir, 3.11.2008 kl. 13:58]

Ég hef sömu spurningu á vörunum, og ef svo er af hverju jólin. Bestu kveðjur

[Sía (IP-tala skráð) 3.11.2008 kl. 14:41]

Jólin eru táknrænn tími fyrir góða og fallega hluti.  Njóttu þess sem þú hefur planað, með ástvinum hérna megin eða annars staðar.  Vonandi hérna megin.

[Tiger, 5.11.2008 kl. 18:19]

Svona er lífið undarlegt - upp og niður og út og suður stundum. Gott að þú átt svona yndislega vinkonu sem léttir þér lundina þegar þið eruð saman! Handviss um að þið hafið skemmt ykkur óhemju vel eins og þú segir frá - og ég bara öfunda þig sko!

Sendi þér gleði- og ljósar hugsanir með von um bjarta og ljúfa framtíð skottið mitt. Njóttu hverrar gleðistundar sem lífið færir þér til fullnustu!

Knús og kram - og þakka þér innlit hjá mér.

[Gudrún Hauksdótttir, 6.11.2008 kl. 09:06]

Mig langadi bara ad senda tér hlýjar kvedjur hédan frá Jyderup.